Алматыда  «Jana Beles - 2024» фестивалі өтті

27 қарашада Алматыда ерекше шара – «Jana Beles - 2024» фестивалі өтті.

 

Фестиваль Алматы қаласы Жастар саясаты басқармасының қолдауымен және Шымкент қаласы «Jastar Ruhy» қоғамдық қорының ұйымдастыруымен студенттік өзін-өзі басқару органдарының қызметін дамыту және қолдау жобасы аясында өткізілді. 

 

Фестивальдің негізгі мақсаты – Алматы қаласының ең үздік студентін және ең үздік студенттік өзін-өзі басқару ұйымын анықтау, сондай-ақ көшбасшылық қасиеттерін көрсеткен белсенді жастар мен студенттік ұйымдарды қолдау.

 

Фестиваль барысында көшбасшылық қасиеттерін көрсеткен 10 үздік студент пен өзін-өзі басқару саласында үлкен жетістіктерге жеткен 4 үздік студенттік ұйым арнайы сыйлықтарға ие болды.

 

4 ЕҢ ҮЗДІК СТУДЕНТТІК ӨЗІН ӨЗІ БАСҚАРУ ҰЙЫМЫ:

 

1. Әл-Фараби атындағы Қазақ Ұлттық университеті - 350 000 теңге

Ақбата Әділқазықызы

2. Қазақ Ұлттық Қыздар педагогикалық университеті - 350 000 теңге

Нұрайлым Рахатқызы

3. Мұхаметжан Тынышбаев атындағы ALT университеті - 350 000 теңге

Бейбіт Гадилбекович

4. Қазақ ұлттық аграрлық зерттеу университеті - 350 000 теңге

Күзен Назерке Бексейтқызы

 

Фестиваль барысында Almaty Leaders жобасы аясында 10 үздік студентке 50 000 теңгеден ынталандыру сыйақысы табысталды, олар академиялық және қоғамдық жетістіктері үшін марапатталды.

 

Фестивальде арнайы қонақ ретінде Нұрсұлтан Болатұлы Бекқайыров, Алматы қаласы Жастар саясаты басқармасының жастарды әлеуметтендіру және жастар бастамаларын қолдау бөлімінің басшысы қатысты.

Өз сөзінде ол жастардың дамуына және олардың алға ұмтылысын жоғары бағалайтынын атап өтіп, үздік студенттік ұйымдарды салтанатты түрде марапаттады. Ол сондай-ақ осы студенттер мен ұйымдардың жетістіктері барлық жастар бастамаларына үлгі болатынын атап өтті.